Zulymdyq nıetpen adamdar qazaq aqynynyń esimin saqtap, syrtqy resýrsqa silteme jasaǵan.
ZHEST_KZ telegram-arnasynyń habarlaýynsha, 5-synypqa arnalǵan qazaq tili oqýlyǵynan býkmekerlik kontora saıtyna aparatyn silteme tabylǵan, dep habarlaıdy aqshamnews.kz
CMN.KZ aqparat agenttigine Respýblıkalyq ǵylymı-tájirıbelik bilim mazmunyn saraptaý ortalyǵynyń ókilderi bergen málimetterge sáıkes, bul oqýlyq 2017 jyly basylyp shyqqan «Qazaq tili men ádebıeti. Báısheshek» dep atalady.
«Ekinshi bóliminde, 38-bette, aqyn Qalqaman Sarınniń saıtyna silteme bolǵan (https://kalkamansarin.kz). Oqýlyq shyqqan kezde bul silteme avtordyń shyǵarmashylyǵyna arnalǵan resmı resýrsqa aparǵan edi», — dep túsindirdi ortalyq mamandary.
Alaıda, keıin saıtqa kıbershabýyl jasalǵany belgili boldy.
«Alaıaqtar siltemeni paıdalanyp, ózderiniń paıdasyna sheshken. Olar taýar tańbasyn zańsyz paıdalandy», — dep habarlady ortalyqtyń baspasóz qyzmeti.
Olardyń aıtýynsha, másele qazir sheshildi jáne saıt qalypty jumys istep tur. Sondaı-aq, 2025 jyly oqýlyq qaıta basylyp shyǵady, al onyń mazmuny qaıta qaralady.