Oqý-aǵartý mınıstri Ǵanı Beısembaev Ulybrıtanıaǵa jumys saparymen bardy.
Onda ol bilim berý tehnologıalarynyń halyqaralyq kórmesine qatysty, dep habarlaıdy Almaty-akshamy.kz mınıstrliktiń saıtyna silteme jasap.
Vedomstvo basshysy IT-sala ókilderimen jáne Microsoft, Google, Lenovo, Good Tech Advisory iri halyqaralyq kompanıalarynyń bilim berý segmentiniń basshylarymen kelissózder júrgizdi.
Kezdesý barysynda taraptar sıfrlyq tehnologıalardy damytý perspektıvalary men qazirgi zamanǵy álemdik trendterdi, sondaı-aq bilim berýdegi jasandy ıntellekttiń múmkindikteri men áserin talqylady. Ǵanı Beısembaev kezdesýge qatysýshylarǵa Qazaqstanda oqytýdyń ınovasıalyq ádisterin engizý boıynsha qabyldanyp jatqan sharalar týraly aıtyp berdi.
«Memleket sıfrlyq ınfraqurylymdy nyǵaıtýǵa jáne sıfrlyq ındýstrıany, atap aıtqanda, jasandy ıntellektti damytýǵa erekshe nazar aýdarady. Salalyq vedomstvo bilim berýdi sıfrlyq transformasıalaý baǵytynda jan-jaqty jumys júrgizýde. Ótken jyly elimizdiń bir óńirinde biz «Sıfrlyq tehnologıalardy qoldana otyryp, shaǵyn jınaqtalǵan mektepterdiń áleýetin damytý» jobasyn iske qostyq. Oqýlyqtar elektrondy formatqa kóshirildi. Búkil júıeni sıfrlandyrý boıynsha kezeń-kezeńimen jan-jaqty jumys júrgizilýde. Qazir bizge bilim berý sapasyn arttyrý úshin jasandy ıntellektti qoldaný boıynsha jetekshi elderdiń ozyq tájirıbesi qyzyqty», - dep atap ótti QR Oqý-aǵartý mınıstri.
Lenovo bas dırektory Krıs Babson men Lenovo bilim berý segmentiniń jahandyq basshysy Stúart Kıng óz kompanıalarynyń jasandy ıntellekt salasyndaǵy damýyna toqtaldy. Mamandardyń aıtýynsha, ol oqytýǵa qol jetkizý kedergilerin azaıtý jáne basqarý prosesterin avtomattandyrý arqyly jahandyq bilim berý maqsattaryna jetý prosesin jedeldetý múmkindigine ıe.
«Jasandy ıntellekt kúndelikti tapsyrmalardy oryndaý arqyly muǵalimderdiń ýaqytyn únemdeı alady. Bul muǵalimderge oqytylatyn sabaqtyń sapasymen jumys isteýge jáne oqýshylarmen ózara árekettesýge kóbirek ýaqyt beredi. Tehnologıalardy qoldaný árbir oqýshy úshin onyń jeke erekshelikteri men qajettilikterin eskere otyryp, tıimdi oqý baǵdarlamalaryn qurýǵa múmkindik beredi», — dedi iri halyqaralyq kompanıanyń ókilderi.
Sondaı-aq, sapar aıasynda mınıstr «Bett Show» halyqaralyq bilim berý tehnologıalary kórmesine qatysty. Bul bilim berý salasyndaǵy elektronıka óndirisine negizdelgen álemniń 700-den astam kompanıasy qatysatyn iri salalyq kórmelerdiń biri.