Osy jıynnyń negizinde arnaıy óńirlik baǵdarlama qabyldanady.
Ǵanı Beısembaev Soltústik Qazaqstan, Qyzylorda, Jambyl, Mańǵystaý, Batys Qazaqstan, Pavlodar jáne Ulytaý oblystarynyń ákimderimen kezdesý ótkizdi, dep habarlaıdy Almaty-akshamy.kz
Kezdesýde óńirlerde bilim berý sapasyn arttyrý, óskeleń urpaqty tárbıeleý, balalardyń qaýipsizdigin qamtamasyz etý jáne oqýshylardy tegin ystyq tamaqpen qamtý máseleleri talqylandy.
«Kezdesý barysynda Oqý-aǵartý mınıstri men birqatar óńirlerdiń ákimderi Memleket basshysynyń tapsyrmasy boıynsha ázirlengen «Jaıly mektep» jobasy aıasynda jańa mektepter salý máselelerin talqylady. Taraptar oqýshy oryndarynyń tapshylyǵyn, úsh aýysymdy jáne apatty mektepterdi joıý úshin bilim berý obektilerin ýaqytyly qoldanysqa berýdiń mańyzyn atap ótti», - dep habarlady QR Oqý-aǵartý mınıstrliginiń baspasóz qyzmeti.
Oqý-aǵartý mınıstri men óńir basshylary bilim berý salasyna qatysty máselelerdi sheshý úshin belsendi ózara is-qımyl jasaý týraly kelisti.
Oblys ákimderimen kezdesý qorytyndysy boıynsha Oqý-aǵartý mınıstrligi ár aımaqta bilim berýdi damytýdyń birlesken arnaıy óńirlik baǵdarlamasyn qabyldaıdy.