Noýtbýktyń isten shyǵýyna áser etetin zıandy ádetter barshylyq.
Olardyń keıbireýin Telecom Daily agenttiginiń bas dırektory Denıs Kýskov atady, dep habarlaıdy Almaty-akshamy.kz.
Mamannyń aıtýynsha, noýtbýkty jumsaq jıhaz ústine nemese kórpe sıaqty matadan tigilgen buıymdardyń ústine qoımaǵan jón. Sebebi mata noýtbýktyń tıimdi salqyndaýyna múmkindik bermeıdi, onyń saldarynan qurylǵy qyzyp ketedi.
Sonymen birge, sarapshy noýtbýkty uqyptap ustaýǵa keńes berdi, ol ony shaıqaýǵa, tipti jumsaq jerge laqtyra salýǵa bolmaıtynyn aıtty.
Denıs Kýskov noýtbýk aldynda otyryp alyp, tamaq iship-jeýge bolmaıtynyn da eskertti. Sondaı bolǵannyń ózinde qurylǵyǵa sý tıgen bolsa, onyń odan ary qyzmet etýi múmkin. Biraq noýtbýkqa sháı, kofe nemese qantty sýsyn tógilgen bolsa, totyǵý saldarynan, onyń isten shyǵýyna alyp keledi. Bul jaǵdaıda tehnıkany qalpyna keltirý óte qıyn jáne jóndeýge júginýge týra keledi.
Mamannyń bergen taǵy bir keńesi - noýtbýkty qýaty taýsylǵansha qoldanbaý. Únemi qýaty bitkenshe qoldanatyn bolsa, qurylǵynyń batareıasy jaramsyz bolyp qalady. Kóbine qýaty taýysylyp bara jatqanda, ekranda 10-15 paıyz qýaty qaldy dep eskertý shyǵady. Sondaı kezde ony birden qýattaý úshin qoıǵan durys.