Almaty oblysynyń joldarynda beınebaqylaý kameralarynan bólek Sergek Patrol júıesi iske qosyldy, dep habarlaıdy aqshamnews.kz
Almaty oblysynyń polıseıleri jol qaýipsizdigin qamtamasyz etý jáne joldardaǵy apattardy azaıtý maqsatynda ınovasıalyq tehnologıalardy engizýde. Jasandy ıntellektpen jabdyqtalǵan “Sergek Patrol” mobıldi aparattyq-baǵdarlamalyq kesheni ornatylǵan patrúldik kólikter paıdalanýǵa berildi.
– Qazirgi ýaqytta mobıldi keshen eki patrúldik kólikte ornatylǵan, aldaǵy ýaqytta ony 10 kólikte paıdalaný josparlanyp otyr. Sergek Patrol jyldamdyqty arttyrý, jol belgilerin saqtamaý jáne durys emes turaq sıaqty erejelerdi avtomatty túrde anyqtaıtyn jetildirilgen kameralar men radarlarmen jabdyqtalǵan. Júıeni engizý jol qozǵalysyn baqylaýdyń tıimdiligin arttyrýǵa, júrgizý mádenıetin qalyptastyrýǵa jáne oblys joldaryndaǵy apattardy azaıtýǵa baǵyttalǵan, – dedi Almaty oblysy PD PPB komandıri Darhan Baıshoınov.
Polısıa departamenti qoǵamdyq tártipti qamtamasyz etý jáne jol qaýipsizdigin baqylaýdyń tıimdiligin arttyrý úshin jańa tehnologıalardy engizý jumysyn jalǵastyrady.