Bıznespen syndarly dıalog – ınvestısıalyq saıasattyń basym baǵyttarynyń biri
Premer-mınıstr Oljas Bektenov jahandyq ınvestısıalar boıynsha VII Qazaqstandyq dóńgelek ústelge qatysty, dep habarlaıdy aqshamnews.kz
Alańda aýyl sharýashylyǵy, tamaq ónerkásibi, energetıka jáne taý-ken óndirý salalary, qarjy sektory salalaryndaǵy jetekshi halyqaralyq jáne qazaqstandyq kompanıalar basshylarymen birge 500-den astam bıznes ókili, sondaı-aq otandyq kásipkerlik sala ókilderi, ınvestorlar jınaldy.
Plenarlyq sesıa «Jahandyq ınvestısıalyq úrdister: bolashaqqa kózqaras» taqyrybyna arnaldy.
KGIR jumysyn asha otyryp, Oljas Bektenov dóńgelek ústel Memleket basshysynyń tóraǵalyǵymen ótken Sheteldik ınvestorlar keńesi otyrysynyń qısyndy jalǵasy sanalatynyn jáne bıznes-qoǵamdastyqpen tyǵyz dıalog qurýǵa baǵyttalǵanyn atap ótti.
Qazaqstan Úkimeti Memleket basshysynyń tapsyrmasyn oryndaý úshin qolaıly ınvestısıalyq ahýaldy qalyptastyrý boıynsha júıeli jumys júrgizýde. Búginde elimizde 14 arnaıy ekonomıkalyq aımaq jumys isteıdi, onda ınvestorlar úshin salyqtyq jáne kedendik preferensıalar kózdelgen, sheteldik jumys kúshin jaldaý rásimi jeńildetilgen, bıznes úshin ákimshilik kedergiler azaıtylǵan. Kásipkerlerdiń máselelerin jedel sheshý úshin Úkimet janyndaǵy Investısıalyq shtab turaqty negizde jumys isteıdi. Basym ınvestısıalyq jobalar úshin ruqsat berý rásimderinen ótýdi jedeldetetin «Jasyl dáliz» nemese Fast-track tetigi iske qosylady. Otandyq jáne sheteldik ınvestorlardyń quqyqtary men múddelerin barynsha qorǵaýdy qamtamasyz etý úshin jaǵdaılar jasalǵan. Máselen, sheteldik bızneske AHQO-da aǵylshyn quqyǵy men ulttyq quqyqtyq júıe arasynda tańdaý múmkindigi berildi.
KGIRr qatysýshylary elimizde jobalardy iske asyrý tájirıbesin bólisip, yntymaqtastyqtyń odan ári keleshegin atap ótti. China Energy Investment Corporation bas dırektorynyń orynbasary Ian Gochýan energetıka salasyndaǵy yntymaqtastyqtyń mańyzyn atap ótip birlesken jobalardyń áleýetine senim bildirdi:
«Biz energetıka salasynda kómirdi ázirleý jáne ekologıalyq taza paıdalaný, jańa energetıka, ınfraqurylymdy qoldaý jónindegi qazaqstandyq jobalarǵa belsendi qatysý úshin ozyq tehnologıalarymyzdy, kásibı áleýetimizdi jáne tamasha basqarý komandasyn tolyq kólemde paıdalanatyn bolamyz. Biz úshin Qytaı men Qazaqstan arasyndaǵy dostyq yntymaqtastyqqa óz úlesimizdi qosý mańyzdy».
AstraZeneca-nyń halyqaralyq bıofarmasevtıka óńiri boıynsha vıse-prezıdenti Nıtın Kapýr óz sózinde Qazaqstannyń Ortalyq Azıa farmasevtıkalyq naryǵyndaǵy basty oıynshy retindegi mańyzy, jergilikti óndiristi jáne ınovasıalyq sheshimderdi damytý jónindegi kúsh-jigeri atap ótildi.
«Qazaqstan Ortalyq Azıadaǵy AstraZeneca bıznesiniń lokomotıvi sanalady jáne jahandyq bıofarmasevtıkalyq kompanıa retinde biz Qazaqstan Úkimetiniń óńirdegi farmasevtıka ónerkásibiniń ortalyǵyna aınalýǵa qatysty órshil maqsatyn qoldaımyz», — dedi Nıtın Kapýr.
Sondaı-aq plenarlyq sesıa barysynda Power International Holding prezıdenti Ramez Ál-Haıat, Fufeng Group Limited Dırektorlar keńesiniń tóraǵasy Lı Súechýn, ACWA Power bas atqarýshy dırektory Marko Archellı, Carlsberg Group Eýropa, Úndistan elderi boıynsha atqarýshy vıse-prezıdenti Lars Lemann, Alstom kompanıasynyń Afrıka, Taıaý Shyǵys jáne Ortalyq Azıa óńirleri boıynsha prezıdenti Endrú Deleonı jáne Eýropalyq qaıta qurý jáne damý bankiniń (EQDB) bank operasıalary jónindegi vıse-prezıdenti Matteo Patrone sóz sóıledi.