Osy jyldyń segiz aıynda Qazaqstannyń Qarjy mınıstrligine qarasty Memlekettik kirister komıteti Qorǵas temirjol beketinde tirkelgen zańsyz zattar men áreketter týraly aqparatpen bólisti, dep habarlaıdy aqshamnews.kz
Tabylǵan zattar: temekiden polıseı formasyna deıin
Qorǵas beketinde júrgizilgen kedendik baqylaý kezinde 17 myńnan astam temeki ónimderi, sonyń ishinde 1 800 elektrondy sıgaret (veıp), 2000-ǵa jýyq teri ónimderi, 300 saıǵaq múıizi, 100-den astam bótelke elıtalyq alkogól ónimderi tárkilendi.
Sonymen qatar, Qorǵas arqyly áskerı maqsatta paıdalanýǵa bolatyn qosalqy maqsattaǵy taýarlar da zańsyz ótkizilýde. 2023 jyldyń basynan beri úsh dron, 107 flájka, 85 polıseı formasynyń belgileri, 215 kepka men fýtbolka tárkilengen.
Zańsyz valúta aınalymy
Qorǵas arqyly tek taýarlar emes, sonymen qatar zańsyz valútalyq operasıalar da júzege asyrylýda. Osy jyldyń alǵashqy segiz aıynda 2,3 mıllıon dollardan astam aqsha jasyryp, shekaradan ótpek bolǵandarǵa tosqaýyl qoıyldy. 2022 jyldyń 14 naýryzyndaǵy Prezıdent Jarlyǵyna sáıkes, 10 myń dollardan astam qolma-qol valútany shetke shyǵarýǵa tyıym salynǵan.
Zańbuzýshylyqtar úshin ákimshilik jáne qylmystyq jaýapkershilik qarastyrylǵan.
Qazaqstan men Qytaı arasyndaǵy taýar aınalymynyń statısıkasyndaǵy aıyrmashylyqtar
Komıtet Qazaqstan men Qytaı arasyndaǵy taýar aınalymy týraly málimetterdegi eleýli aıyrmashylyqtardy atap ótti. Qazaqstan tarapynan 19,3 mıllıard dollar, al Qytaı boıynsha 29,1 mıllıard dollar kórsetilgen. Bul aıyrmashylyq 33,8% quraıdy.
Qazaqstannyń Qytaıǵa eksporty 9,8 mıllıard dollardy, al Qytaıdyń ımporty 10,8 mıllıard dollardy qurady. Munda da 9,5 paıyz aıyrmashylyqty kórýge bolady.
Qorǵas: Zańsyzdyqtyń ordasy
«Qorǵas» halyqaralyq shekaralyq yntymaqtastyq ortalyǵynda osyndaı keleńsizdikter kóptep kezdeskendikten halyq arasynda «qarǵys atqan» dep atalýda. Munda kóptegen laýazymdy tulǵalar qolǵa túsken. Mysaly, «Qorǵas isi» aıasynda 80 adam túrmege qamaldy. Halyqaralyq ortalyqtyń basshysy Vasılıı Nıdiń 1 mıllıon dollar paramen ustalǵany áli kúnge deıin este saqtalady. Sodan beri 10 jyl ótti, biraq jylyna eki-úsh ret korrýpsıamen kúresýshiler bul jerde bireýdi ustaýǵa áli de tyrysady. Jaqynda Qazaqstan terıtorıasynda alty zańsyz kazıno men bir jezókshelik úı jabyldy, olardy uıymdastyrǵan Qytaı azamattary bolyp shyqty.