Izraılde koronavırýstyń jańa shtamy tabyldy
Izraılde Ońtústik Afrıkada anyqtalǵan koronavırýstyń jańa shtamymen ınfeksıanyń bir jaǵdaıy naqtylandy, dep habarlaıdy Almaty-akshamy.kz
Izraıldiń densaýlyq saqtaý mınıstrliginiń baspasóz qyzmetiniń habarlaýynsha, Izraılge Malavıden oralǵan azamattan jańa shtamm tabylǵan. Sonymen qatar taǵy eki adam juqtyrdy degen kúdik bar. Olar synaqtan ótip, oqshaýlanýdyń nátıjesin kútedi.
Bir kún buryn Izraıl Premer-Mınıstri Naftalı Bennet Ońtústik Afrıkada anyqtalǵan koronavırýstyń jańa shtamyna baılanysty densaýlyq saqtaý mınıstrligi men azamattyq qorǵanys qyzmetteriniń basshylarymen shuǵyl keńester ótkizdi. Nátıjesinde qara qurlyq elderin «qyzyldar» tizimine engizdi (ızraıldikterge barýǵa tyıym salyndy) jáne olarmen áýe qatynasyn toqtatý múmkindigin qarastyrýdy tapsyrdy.
Buǵan deıin Daily Mail habarlaǵadaı, Ulybrıtanıa ǵalymdary Botsvanada 32 mýtasıadan turatyn koronavırýs shtamynyń paıda bolǵany týraly eskertken edi.