«Jas kásipqoılar qoǵamy» respýblıkalyq qoǵamdyq birlestigi kelisilgen mıtıńti ótkizýden óz erikterimen bas tartty
«Qazaqstan Respýblıkasynda beıbit jınalystardy uıymdastyrý jáne ótkizý tártibi týraly» Zańyna sáıkes, «Jas kásipqoılar qoǵamy» RQB-niń tóraǵasy M. Jıembaevqa Almaty qalasy ákimdiginiń 2021 jylǵy 18 qarashadaǵy № 4/587 qaýlysymen 2021 jylǵy 27 qarashada saǵat 12.00-den 15.00-ge deıin Shoqan Ýálıhanov atyndaǵy gúlzarda «Qazaqstan Respýblıkasynyń sot tóreliginde zańnyń ústemdigin qamtamasyz etý. Qazaqstan Respýblıkasy sot júıesiniń túbegeıli reformasy týraly» taqyrybynda mıtıńi ótkizý kelisilgen bolatyn, dep habarlaıdy Almaty-akshamy.kz
Alaıda 25 qarashada uıymdastyrýshy M. Jıembaevtan ákimdikke joǵaryda atalǵan mıtıńini ótkizbeıtinderi týraly habarlama tústi.
«Habarlamada «Jas kásipqoılar qoǵamy» RQB-ne jáne mıtıńiniń taqyrybyna qatysy joq toptar men azamattar tarapynan úndeýler taralyp jatqany aıtylǵan. Osyǵan oraı, uıymdastyrýshylar arandatýshylyqqa jol bermeý maqsatynda mıtıńini ótkizýden óz erikterimen bas tartqany habarlandy», – delingen aqparatta.