Astanada Qazaqstanda atom elektr stansıasyn (AES) salýdy qoldaý maqsatynda Halyqtyq shtab quryldy. Shtab quramyna 6 saıası partıa men 20-ǵa jýyq respýblıkalyq qoǵamdyq birlestiktiń 250-den astam ókili kiredi. Aımaqtarda da osyndaı qurylymdar jasaqtalyp jatyr. Osy bastamany qoldaýda Qazaqstan Halyq partıasy (QHP) belsendilik tanytyp otyr.
Halyqtyq referendýmda árbir qazaqstandyqtyń daýysy mańyzdy. Shtabtyń negizgi maqsaty — halyq arasynda aýqymdy túsindirý jumystaryn júrgizip, otandyq atom energetıkasyn qoldaýǵa qoǵamdy jumyldyrý. Bul iske Parlament pen máslıhat depýtattary, zıaly qaýym ókilderi, ǵalymdar, mádenıet jáne sport qaıratkerleri, qoǵam belsendileri de atsalysýda. Pavlodar oblysynda da aımaqtyq shtab quryldy, oǵan QHP oblystyq fılıalynyń tóraǵasy, máslıhat depýtaty Ilá Mýhortov endi. Shtab músheleri memlekettiń turaqty damýy referendýmda qabyldanatyn sheshimge baılanysty dep sanaıdy.
Shtab músheleri referendýmdy qoldaýǵa baǵyttalǵan túsindirý jumystaryn qarapaıym tilde júrgizýdi basty mindet etip qoıyp otyr. Túrkistan oblysynda shtabqa QHP jergilikti fılıaly basshylary Zýhra Qambarova men Ysqaq Ahmetov kirdi. Soltústik Qazaqstan oblysynda QHP fılıalynyń ókilderi Erǵalı Jumaǵulov pen Bolat Qojahmetov jáne keńes músheleri shtabtyń quramyn tolyqtyrdy.
Batys Qazaqstan oblysynda QHP fılıalynyń basshysy Borıs Lavrentev, Qaraǵandy oblysynda QHP fılıalynyń basshysy Qalel Maqsutov pen máslıhat depýtaty Anatolıı Baranov shtab quramyna qosyldy. Sonymen qatar, Ulytaý óńirinde QHP fılıaly tóraǵasynyń orynbasary Baqytbek Tórejanov, Balqash qalalyq ókildiginiń tóraǵasy Qanysh Ysqaqov ta shtabtyń múshesi boldy.
QHP Aqmola oblystyq fılıalynyń basshysy Arman Tastambekov, Atyraý oblysynda fılıal tóraǵasynyń orynbasary Álıa Murzaǵalıeva, al Aqtaý qalasynda Baýyrjan Qurmanǵazın men Marat Nurkeev shtabqa qosylyp, Mańǵystaý aımaǵynda bul mindet Ránıda Baljanovaǵa júkteldi.
Shtabtyń negizgi mindeti — aqparattyq-nasıhat jumystaryn júrgizý. AES qurylysyna qatysty ótetin referendýmǵa bir aı ǵana ýaqyt qaldy, sondyqtan shtab músheleri belsendi jumys isteýde.