Zıatkerlik menshik týraly zań jobasynda «geografıany kórsetý» degen jańa obektisi usynylady.
Parlament depýtattary taýar tańbasy, geografıany kórsetý jáne taýar shyǵarylǵan jerdiń ataýlary boıynsha «opozısıalyq» júıe engizýdi usyndy.
Májilis depýtaty Gúlnar Bıjanovanyń aıtýynsha, zıatkerlik menshik týraly zań jobasy boıynsha birqatar túzetýler ázirlendi. Bul normalar toǵyz myńǵa jýyq qazaqstandyq avtor men quqyq ıelenýshige syıaqy alýǵa múmkindik beredi jáne ujymdyq uıymdardyń quqyqtary buzylmaýyn qamtamasyz etedi.
«Mysaly, «Qazaqstandyq shokolad», «Kókshetaý balmuzdaǵy», Osakarov saýmaly, Lepsi baly jáne basqalary. Bul jaǵdaıda ónimniń bedeli men sapasy belgili bir geografıalyq obektimen baılanysty bolady. Otandyq taýar óndirýshilerge álemdik naryqqa shyǵýǵa jańa múmkindik beredi», - deıdi depýtat.
Senat «Qazaqstan Respýblıkasynyń keıbir zańnamalyq aktilerine zıatkerlik menshik salasyndaǵy zańnamany jetildirý jáne memleket kepildik bergen zań kómegin kórsetý máseleleri boıynsha ózgerister men tolyqtyrýlar engizý týraly» zań jobasyn eki oqylymda da qabyldady.