Jalpyhalyqtyq referendým kúnine birer kún ǵana qaldy. Alaıda, almatylyqtar arasynda túsindirý jumystary toqtatylǵan joq.
Stýdent-jastardan bastap, jasy jetken qarıaǵa deıin qamtylýda. Sondaı bir jıyn basyna N.Sas atyndaǵy orys memlekettik akademıalyq balalar men jasóspirimder teatry ujymy jınaldy. 50-den astam adamnyń basyn qosqan sharada spıker retinde máslıhat depýtaty Álibek Shapenov sóz sóıledi.
«Bizge referendým ne úshin qajet? Birinshiden, ózińniń otbasyń, týyp-ósken qalań men jalpy memlekettiń ómirine azamat retinde atsalysý úshin. Báz-bireýlerge bul mańyzdy bolmaýy kerek, biraq eldiń saıası tirshiligi bolashaqta seniń ómirińe úlken áser etýi múmkin. Ony búgingi halyqaralyq geosaıası ahýaldan-aq kórip otyrmyz. Sondyqtan ár adamnyń daýysy, demokratıaǵa qaraı basqan adymy mańyzdy!» – dedi máslıhat depýtaty.
Osylaısha depýtat ár qazaqstandyqtyń tańdaýy mańyzdy ekenin atap ótip, jınalǵan qaýymdy, almatylyqtardy daýys berýge shaqyrdy.
«Bárin qorytyndylaı kele aıtarym, ár qazaqstandyqty, ásirese, tarıhtan belsendiligimen tanylǵan almatylyqtardy óz saılaý ýchaskesine baryp, daýys berýge shaqyramyn», – dep qorytyndylady Á.Shapenov.
P.S. Almatylyqtar úıinen shyqpaı-aq óz saılaý ýchaskesin bile alady. Ol úshin mapalmaty.kz saıtyna kirip, JSN-di terseńiz bolǵany.