Túrkıanyń Mersın provınsıasyna qarasty Toroslar aýdanynda qazaqstandyq «Turan» etno-folklorlyq tobynyń konserti ótti.
HH Mersın halyqaralyq mýzyka festıvali aıasynda ótken keshte túrki halyqtarynyń eski týyndylarymen qatar, zamanaýı shyǵarmalar da oryndaldy, dep habarlaıdy Almaty-akshamy.kz.
Túrkıadaǵy tarıhı serıaldarda jıi oınalatyn qazaq kúıleri arqyly «Turan» tobynyń shyǵarmashylyǵymen jaqsy tanys jergilikti kórermen ónerpazdarǵa qoshamet kórsetti. Tipti Toroslar meri Atsyz Afshın Iylmaz, qazaqstandyq toppen birge sahnada án salyp, kórermenniń iltıpatyna bólendi. Konsertten soń jergilikti basshylar qazaq ónerpazdaryna syı qurmetterin kórsetip, syılyqtar tartý etti.
"Biz osy aýmaly-tókpeli álemde Túrki memleketteri uıymynyń belsendiligi arqyly áleýmettik, saıası-ekonomıkalyq jáne mádenı qarym-qatynastarymyzdy odan ári damytýymyz kerek. Mustafa Kemal Atatúrik aıtqandaı, ultymyz ben memleketimizdiń odan ári myqty bolýy úshin shyǵys pen batysty jaqyndatýymyz qajet. Bizdiń kúshimiz - birlikte. Konsertke qatysqan barsha jerlesterime alǵys aıtamyn", - deıdi Toroslar meri Atsyz Afshın Iylmaz.