Almaty qalasy Alataý aýdany №178 mamandandyrylǵan lıseıde «Bolashaqqa eńbekqor, bilimdi, ónerli jáne deni saý urpaq» atty onkúndik ótti.
Onkúndiktiń ashylýynda lıseı dırektory Qaıratbek Shadıev sóz alyp, ustazdarǵa rızashylyǵyn bildirip, sáttilik tiledi.
Onkúndik barysynda Estetıkalyq pánder, dene shynyqtyrý, AÁ jáne tehnologıalyq daıyndyq kafedrasynyń pán muǵalimderi jańartylǵan bilim mazmuny boıynsha ashyq sabaqtar men synyptan tys is-sharalar ótkizdi. Dene shynyqtyrý pániniń muǵalimderi, M.K.Óteshova, N.T.Moldahmet, E.M.Ánápıaev, R.Qypshaq, N.E.Tólbaeva, A.E.Janpeıisovalardyń muryndyq bolýymen 8-11 synyptar (uldar, qyzdar) arasynda fýtboldan, voleıboldan jarystar ótti.
Sonymen qatar, 9-11 synyptyń oqýshylary sporttyń 4 túrinen baq synasty. Atap aıtqanda, «Gaýhar tas lıgasy» aıasynda jeńil atletıkadan bir orynnan uzyndyqqa sekirý, 100 metrge júgirý, kros 1000 m qyzdar, 2000m uldar jáne estafetalyq taıaqshamen júgirý. Saıys sońynda I, II, III oryn alǵan jeńimpazdar marapattaldy. Sonymen qatar tehnologıa páni muǵalimderi M.A.Ábiqanova men A.N. Qadyrov oqýshylardy qolónerge baýlyp, balalardyń jasaǵan biregeı týyndylary kórmege qoıyldy.
Onkúndik aıasynda kafedra muǵalimderi 7 synyp uldary arasynda «Jigitke jeti ónerde az» atty saıys ótkizdi.
«Oqýshylar arasynda mundaı sharalardy jıi ótkizýdiń tárbıelik máni zor. Baıqaý oqýshylardy jigerlilik pen ustamdylyqqa, batyldyq pen shymyrlyqqa tárbıeleıdi»,-deıdi №178 mamandandyrylǵan lıseı dırektorynyń tárbıe isi jónindegi orynbasary Berik Nábıuly.
Qorytyndy kezeńde qazylar alqasy júldeli orynǵa ıe bolǵandardy marapattap, syılyqtar tapsyrdy.
Baıqaý sońynda kafedra muǵalimderi men oqýshylar «Atameken» ánin hormen oryndady.