Astana qalasynda 1-2-qarasha kúnderi tuńǵysh ret İ halyqaralyq Quran jarysy ótedi
Respýblıkalyq bas meshitte İ halyqaralyq Quran jarysynyń jerebe tartý rásimi ótti. Jerebe tartý rásimine naıb múftı Ershat Aǵybaıuly qatysyp, qarılarǵa sáttilik tiledi. Sondaı-aq jarystyń erejesi men sharttaryn qosymsha eskertip ótti.
Elimizde tuńǵysh ret Ulttyq merekemiz – Respýblıka kúnine oraı Qazaqstan musylmandary dinı basqarmasynyń uıymdastyrýymen ótetin Quran jarysyna 18-30 jas aralyǵyndaǵy 26 eldiń qarılary, sondaı-aq Qazaqstan atynan eki jas qarı qatyspaq.
Aıta keteıik, eki kúnge sozylatyn Quran jarysy múftıattyń tól «Munara TV» telearnasynan, «Mýftıat QMDB» YouTube arnasynan, Dinı basqarmanyń resmı áleýmettik jelilerindegi paraqshalarynan tikeleı efır arqyly kórsetiledi.