Almatyda 2023 jylǵy týrısik maýsymda «Kólsaı kólderi» ulttyq parkinde ne ózgergeni aıtyldy
Almaty qalasynyń Óńirlik komýnıkasıalar qyzmetiniń alańynda «Kólsaı Kólderi» memlekettik ulttyq tabıǵı parkiniń basshylyǵy men qyzmetkerleriniń qatysýymen baspasóz konferensıasy ótti, dep habarlaıdy almaty-akshamy.kz
Qazirgi ýaqytta Tómengi Kólsaı kólinde týrıser úshin jaǵdaı jasaý maqsatynda týrısik marshrýtty jaılastyrý boıynsha jumystar jalǵasyp jatqany, jaıaý jáne atpen júrý marshrýttaryna bólingen baspaldaq joly ornatylatyny belgili boldy.
«Kólsaı Kólderi» ulttyq tabıǵı parki dırektorynyń orynbasary Hamıt Ahmetov atap ótkendeı, ótken jyly Tómengi Kólsaı kóli men Qaıyńdy kóline rekreasıalyq júktemeni azaıtý maqsatynda ulttyq parktiń ınfraqurylymyn damytýdyń bas jospary ázirlendi, oǵan jeke jáne zańdy tulǵalardy konkýrstyq negizde qysqa merzimdi paıdalanýǵa berý úshin ulttyq parktiń ýchaskeleri engizildi.
2022 jyldyń shilde jáne tamyz aılarynda Ekologıa, geologıa jáne tabıǵı resýrstar mınıstriniń buıryǵymen bekitilgen erejelerge sáıkes týrısik jáne rekreasıalyq qyzmetti júzege asyrý úshin ulttyq parktiń jer ýchaskelerin ınvestorlarǵa bekitý boıynsha konkýrs ótkizildi. Sol jyldyń qyrkúıek aıynda konkýrs jeńimpazdarymen qysqa merzimdi paıdalaný sharttary jasaldy. Jalpy konkýrsqa Saty, Qurmet shatqalynda ornalasqan ulttyq parktiń ýchaskeleri qoıyldy, sondaı-aq birkelki rekreasıalyq júktemeni bólý úshin Tómengi Kólsaı jáne Qaıyńdy shatqaldarynda ornalasqan ýchaskeler qoıyldy.
Spıker, sonymen qatar, ulttyq saıabaqtaǵy týrısik maýsym mamyr – qyrkúıek aılaryna eseptelgenin habarlady. Osyǵan baılanysty ınvestorlar tarapynan ulttyq parktiń ınfraqurylymyn jaqsartý jumystary bıyl, 2023 jyly bastaldy.
«Mysaly, Tómengi Kólsaı kóli shatqalynda joǵarǵy avtoturaq aýdanyndaǵy ýchaskelerdi paıdalanýshylar (ınvestorlar) saýda-jármeńke aımaǵy, qoǵamdyq tamaqtandyrý pýnktteri, qazaq halqynyń salt-dástúrleri bar kıiz úıler ornatylyp, sondaı-aq Almaty oblysynyń týrızmdi basqarý jelisi boıynsha ulttyq park úshin Ortalyq Azıalyq WWF baǵdarlamasynyń granttyq joba esebinen qazaq aýyly salyndy qosymsha jeke dárethanalar men qoqys jáshikteri ornatyldy», - dedi Hamıt Ahmetov.
Qazirgi ýaqytta sheteldik jáne jergilikti týrıserdiń Kólsaıǵa kelip, qazaq dástúrleri týraly bilýge, jergilikti taǵamdardan dám tatýǵa, etno-aýylǵa barýǵa tamasha múmkindigi bar.
Sonymen qatar, Tómengi Kólsaı kólinen 12 shaqyrym jerde Saty aýyly ornalasqan, onda qonaq úılerdiń qyzmetterin paıdalanýǵa, jergilikti turǵyndardan qazaq halqynyń dástúrlerin bilýge bolady.