Shaharda «Bilim stýdıasy» ashyldy. Ol – ónerge, shyǵarmashylyqqa jaqyn 5-13 jas aralyǵyndaǵy órenderdi sheberlikke baýlıtyn, úıretetin, damytatyn ortalyq. Onda ótetin sabaqtar baǵdarlamasynda sýret salý, músin, gerbarıı jasaý negizderi qarastyrylǵan.
Ortalyqtaǵy oryndardyń 25%-y áleýmettik jaǵynan az qamtylǵan otbasylardan shyqqan balalardy tegin oqytýǵa bólingen. Bul óner mektebindegi taǵy bir erekshelik, sabaqtardy Qazaqstannyń halyq sýretshileri, bilim berý úzdikteri jáne Sýretshiler odaǵynyń músheleri sekildi naǵyz kásibı mamandar ótedi.
Bilim stýdıasyna «Almaty» áleýmettik-kásipkerlik korporasıasy úlken qoldaý kórsetti. Naqtyraq aıtsaq, stýdıaǵa arnaıy ǵımarat bólip, onda jetkinshekterdiń sapaly bilim alýy úshin jeke synyptar ashyp berdi.
– Ónerdi dáripteýge, jas urpaqtyń shyǵarmashylyq áleýetin damytýǵa baǵyttalǵan osyndaı ortalyqtar ashý óte mańyzdy. Biz osyndaı áleýmettik jobalardy odan ári qoldaýdy jáne kókjıegin keńeıtýdi josparlap otyrmyz, – dedi «Almaty» áleýmettik-kásipkerlik korporasıasy» AQ-nyń Basqarma tóraǵasy A.Bilisbekov.
