«Órleý» biliktilikti arttyrý ulttyq ortalyǵy» aksıonerlik qoǵamynyń fılıaly Almaty qalasy boıynsha Pedagogıkalyq qyzmetkerlerdiń biliktiligin arttyrý ınstıtýtynda «Oqýshylardy PISA Halyqaralyq zertteýlerine qatysýǵa daıyndaý» taqyrybynda qalalyq ǵylymı-tájirıbelik onlaın-trenıng ótkizildi.
Trenıńte Almaty qalalyq Bilim berýdegi jańa tehnologıalardyń ǵylymı-ádistemelik ortalyǵynyń ádiskeri Mıra Alıpova PISA Halyqaralyq zertteýleri aıasyndaǵy jumystardy tanystyrdy.
Tájirıbe almasý maqsatynda uıymdastyrylǵan bul trenıńte atalmysh ınstıtýttyń Jaratylystaný jáne gýmanıtarlyq pánderdi oqytý ádistemesi kafedrasynyń aǵa oqytýshysy, PISA Halyqaralyq zertteýleri boıynsha trener A.Rakısheva «Oqýshylardy PISA Halyqaralyq zertteýlerine qatysýǵa daıyndaý» taqyrybynda, al Aqtaý qalasynan A.Qorǵanbaeva «Oqýshylardyń fýnksıonaldyq saýattylyǵyn arttyrý úshin mátin túrlerimen jumys isteýdiń tıimdiligi» taqyrybynda baıandama jasady. Budan ári trenıń jumysy tájirıbelik bólimge ótip, onda almatylyq muǵalimder A.Ájibaeva, M.Óteshova, A.Súleımenovalar tájirıbelerin ortaǵa saldy.