Qazaqstan men Túrkıa kınoındýstrıasy salasyndaǵy yntymaqtastyqty nyǵaıtpaq
Eki el mamandary birlesip birqatar tarıhı serıal túsirýdi josparlap otyr. Mundaı sheshim Ystambulda ótken Qorqyt ata túrki álemi kınofestıvalinde qabyldandy, Almaty-akshamy.kz
Kınofestıvalde birneshe qazaqstandyq kınotýyndy kórermen nazaryna usynylady. Sonyń ishinde Rústem Ábdirashevtiń «Qazaq handyǵy: Altyn taq» tarıhı týyndysy festıváldiń bas júldesi úshin talasady.
«Altyn taq» – Qazaq handyǵy týraly túsirilgen ekinshi fılm. Biz ony festıválde alǵash ret kórsettik. Meniń oıymsha, keleshekte bul kınomen taǵy birqatar baıqaýǵa qatysamyz. Otandyq kıno ındýstrıasyn qoldaý qajet», - kınorejısser Rústem Ábdirashev.
Kúlli túrki áleminiń aqsaqaly Qorqyt babamyzdy ulyqtaǵan kınofestıvalge birneshe memlekettiń tanymal akter, rejıser jáne prodúserleri jınaldy. Túrkıanyń mádenıet jáne týrızm mınıstri Mehmet Nýrı Ersoı shara túrki jurtynyń mádenı yntymaqtastyǵynyń durys baǵytta damyǵanyn kórsetedi dep atap aıtty.
«Yntymaǵy jarasqan, túbi bir túrki memleketteri arasyndaǵy ortaq jetistikter bizdiń basty baǵytymyz bolyp qala beredi. Bizdiń kınoındýstrıa salasynda kúsh biriktirýimiz halyqaralyq keńistikke sapaly jumystar usynyp, tarıhymyzdy nasıhattaýǵa múmkindik beredi», - Túrkıanyń mádenıet jáne týrızm mınıstri Mehmet Nýrı Ersoı.