Eńbek jáne halyqty áleýmettik qorǵaý mınıstrligi Eńbek, áleýmettik qorǵaý jáne kóshi-qon komıtetiniń derekteri boıynsha, aǵymdaǵy jyldyń segiz aıynda óndiristegi jazataıym oqıǵalardyń nátıjesinde 1197 qyzmetker zardap shegip, onyń 163-i qaıtys bolǵan dep habarlaıdy almaty-akshamy.kz
Osylaısha, óndiristik jaraqattaný deńgeıi 2020 jyldyń uqsas kezeńimen salystyrǵanda 2,4%-ǵa ósti (ótken jyldyń 10 aıynda 1169 adam zardap shekti). Bul rette óndiristik jaraqattanýdan qaıtys bolý jaǵdaılary 3,6% - ǵa tómendedi (2020 jyly osy kezeńde óndiriste 169 adam qaıtys boldy).
Óndiristik jaraqattanýdyń joǵary deńgeıi burynǵydaı Qaraǵandy (211 adam zardap shekti), Shyǵys Qazaqstan (153 adam), Aqtóbe (97 adam), Pavlodar (96 adam), Qostanaı (91 adam) oblystarynda saqtalýda.
Ekonomıka salalary boıynsha zardap shekkenderdiń eń kóp sany taý-ken-metallýrgıa kesheniniń kásiporyndarynda – 203 adam (19,1%) jáne qurylys salasynda – 120 adam (11,3%) baıqalady.