Búgin Qazaqstan Respýblıkasynyń Prezıdenttigine kandıdat Jıgýlı Daırabaev Mańǵystaý oblysyna keldi. Eń aldymen kandıdat Munaıly aýdanynda ornalasqan «Saýqymbek» un tartý zaýytynyń ujymymen kezdesti. Birneshe jyl buryn iske qosylǵan óndiris oshaǵy joǵary surypty un óndirip, 70-ke jýyq adamdy turaqty jumyspen qamtamasyz etip otyr.
Zaýyt aldaǵy ýaqytta daıyn ónimdi eksporttaýǵa nıetti. Alaıda, keı kezde kásiporynǵa bıdaı jetkizkýde qıyndyqtar týyndaıdy, vagondar tapshylyǵy baıqalady.
«Meniń árdaıym aıtatynym, adal eńbek etip, halyqty sapaly ári qoljetimdi azyq-túlikpen qamatamasyz etetin azamattarymyzǵa qoldaý kórsetýimiz qajet. Qazaqstanda taýarlar qoryn qurý strategıasynda azyq-túlik naryǵyn damytý jáne qaýip¬sizdigin saqtaý bárinen buryn ım¬portqa táýeldi emes, otandyq óndiris esebinen júzege asýy kerek», – deıdi Jıgýlı Daırabaev.
Un tartý zaýytynan keıin kandıdat mal bordaqylaý keshenine bardy. Qazirgi ýaqytta elimizde mal sharýashylyǵyn damytýǵa erekshe kóńil bólinip otyr. Osy baǵytta jumys isteıtin bul keshen Aqtaý qalasynyń turǵyndaryn sapaly etpen qamtamasyz etýde. Alaıda munda sý máselesi áli sheshilmeı otyr, zaýyt sýdy satyp alýǵa májbúr.
«Cý máselesi búginde álemniń kóptegen elderin tolǵandyryp otyrǵany belgili. Mamandardyń boljamy boıynsha, sý memleketaralyq, elaralyq mańyzdy másele retinde aldaǵy ýaqytta da óziniń ózektiligin joımaıdy. Óıtkeni sý – tirshilik kózi. Sondyqtan bul máseleni memlekettik deńgeıde sheshýdi qolǵa alǵanda ǵana nátıjeli jumys júrip, óńirdi sýmen qamtı alamyz», – degen pikirde kandıdat.
Sonymen qatar Jıgýlı Daırabaev Munaıly aýylynyń turǵyndarymen kezdesti. Kezdesý barysynda jem-shóp daıyndaý máselesine erekshe nazar aýdaryldy. Ótken jylmen salystyrǵanda, bıyl bul baǵyt oń nátıje berip otyr deıdi sharýa ıeleri. Osy rette kandıdat, túıtkildi máselelerdiń aldyn alý úshin tamshylatyp sýarý ádisin damytý qajet deıdi. Aýyl sharýashylyǵy salasynda zamanaýı tehnologıalar men jabdyqtardy qoldaný óndiris ónimdiligin arttyrmaq.