48 saǵat ishinde bir PTR-test tapsyrý jetkilikti.
Qazaqstandaǵy Qytaı elshiligi men bas konsýldyǵy elge kelýshiler úshin HS densaýlyq kodyn alýǵa qoıylatyn talaptardy jańartty, - dep habarlaıdy Almaty-akshamy.kz Kaz.tengritravel.kz saıtyna silteme jasap.
Endi Qazaqstannan Qytaıǵa tikeleı reıspen bara jatqan jolaýshylarǵa ushýǵa deıin 48 saǵat ishinde Qazaqstan Respýblıkasynyń aýmaǵynda resmı tirkelgen zerthanada bir PTR-test tapsyrý jetkilikti. Ýaqyt bıomaterıal alynǵan sátten bastalady.
PTR testiniń nátıjesi densaýlyq kodyn alýǵa ótinimge qalǵan qujattarmen (pasporttyń basty beti jáne baǵyty kórsetilgen avıabıletter) qosa tirkelýi qajet. Keıin Qazaqstandaǵy Qytaı elshiligi nemese bas konsýldyǵy «densaýlyqtyń jasyl kodyn» ýaqtyly beredi, ony reıske tirkelý kezinde kórsetý qajet. «Jasyl Densaýlyq kodyn» basyp shyǵarýdyń qajeti joq, mobıldi qosymsha arqyly kórsetý jetkilikti (aldyn ala túsirilgen skrınshot qabyldanbaıdy).
Qazaqstannan ushatyn jáne úshinshi el arqyly tranzıtpen júretin jolaýshylar nemese úshinshi elden ushatyn jáne Qazaqstan arqyly Qytaıǵa tranzıtpen júretin jolaýshylar PTR-test tapsyryp, tranzıt nemese jóneltý pýnktteriniń kez kelgeninde jolaýshylardyń sapar marshrýtyna sáıkes «jasyl kodty» alýǵa ótinim bere alady. Jolaýshylar «Densaýlyq kody» áli de jaramdy ekenine kóz jetkizýi kerek, tek ushaqqa sońǵy tranzıttik pýnktke qonǵan kezde (Qytaıǵa ushqanda). Qosymsha aqparat saıtta qoljetimdi.
Taıaýda qazaqstandyqtarǵa Beıjińge tikeleı reıster qoljetimdi bolady. 22 qarashadan bastap Air Astana Almatydan Qytaı astanasy Beıjińge aptasyna bir ret, seısenbide Airbus A321 LR áýelaınerimen turaqty áýe qatynasyn iske qosyldy.