Byltyrǵy jyldyń qorytyndysy boıynsha qalanyń qysqa merzimdi ekonomıkalyq ındıkatorynyń ósimi - 6,7%.
Ósý draıveri óńdeý ónerkásibi boldy, onyń kólemi (1487 mlrd teńge) 13%-ǵa ulǵaıyp, Qazaqstandaǵy eń joǵary ósimdi kórsetti. Bul týraly Alataý aýdanynyń turǵyndarymen kezdesýde qala ákimi Erbolat Dosaev aıtty, dep habarlaıdy Almaty-akshamy.kz.
«Buǵan Alataý aýdany da eleýli úles qosty. 2022 jyly Almaty Indýstrıalyq aımaǵynyń damýynyń arqasynda Alataý aýdanynda ónerkásip ónimderin óndirý kólemi 30%-ǵa ósip, 527 mlrd. teńgeni nemese jalpy kólemniń 35%-ǵa jetti», - dedi qala ákimi.
Indýstrıalyq aımaqtyń aýmaǵynda ótken jyly 500-den astam turaqty jumys orny qurylyp, 10,3 mlrd teńgege 6 kásiporyn jáne 3 shaǵyn ónerkásip parki ashyldy.