"Almaty qalasy boıynsha Alataý aýdanynyń mektepterindegi oryn tapshylyǵy joǵary", - dedi qala ákimi Erbolat Dosaev Alataý aýdanynyń turǵyndarymen kezdesýde.
Osy mańyzdy problemany odan ári sheshý úshin keshendi sharalar qabyldanýda.
2022 jyly Alataý aýdanynda 7800 oryndyq josparlanǵan 5 jańa mektepten "Saıaly" (1800 oryn), "Tomırıs" (1500 oryn), "Nurkent" (1500 oryn) jáne "Rahat-Mádenıet" (1500 oryn) shaǵynaýdandarynda 6300 oryndyq tórt mektep ashyldy. "Darhan" shaǵynaýdanyndaǵy 1500 oryndyq mektep 99% daıyn, ony osy jyldyń qańtar aıynyń sońynda ashý josparlanǵan. Osy mekteptiń ashylýyn eskere otyryp, oqýshy ornynyń tapshylyǵy shamamen 4 myń orynǵa deıin azaıady jáne 2022 jyldyń basyndaǵy tapshy 9 100 orynmen salystyrǵanda 2 eseden kóp mólsherge azaıatynyn atap ótkim keledi.
Ótken jyldyń qyrkúıek aıynda "Saıaly-2" shaǵynaýdanynda 550 oryndyq mekteptiń qurylysy bastaldy, ony 2023 jyldyń qarasha aıynda aıaqtaýdy josparlap otyrmyz. 2023 jyly 10 050 oryndyq taǵy 6 mekteptiń qurylysyn bastaý josparlanǵan. "Zerdeli" shaǵynaýdanynda 2023 jyldyń İ toqsanynda 550 oryndyq mektep qurylysyn bastaý kózdelgen. "Samǵaý" (2000 oryn), "Alǵabas" (2000 oryn), "Qarasý" (2000 oryn) jáne "Terekti" (2000 oryn) men "Aqbulaq" shaǵynaýdanynda 690 oryndyq (1500 oryn) №154 mektepti buza otyryp, «Jaıly mektep» ulttyq jobasynyń aıasynda bes mektep salynady.