Jeltoqsan aıynda Móńke bı kóshesinde kólik jolaıryǵyn salyp, Saın kóshesin uzartý jumystaryn aıaqtaý josparlanǵan
«Sonyń arqasynda qalanyń negizgi magıstraldyq kóshelerinde, ıaǵnı Rysqulov dańǵyly men Momyshuly kóshesinde, sonymen qatar, aýdandyq mańyzy bar kóshelerde kólik legi aıtarlyqtaı azaıady», - dedi qala ákimi Erbolat Dosaev Alataý aýdanynyń turǵyndarymen kezdesýde.
2022 jyly Alataý aýdanynda 53 kóshedegi uzyndyǵy 42 km jol ortasha jóndeýden, 35 kóshe aǵymdaǵy jóndeýden ótti.
Jyl sońyna deıin "Alǵabas" jáne "Shańyraq-1" shaǵynaýdandarynda 40,5 km jańa joldyń qurylysy bitedi.
Sonymen birge, osy jyldyń III toqsanynda "Shapaǵat" shaǵynaýdanynda sýmen jabdyqtaý jáne káriz jelilerin salý aıaqtalǵan soń 4,8 km jańa joldyń qurylysy bastalady.
2023 jyly uzyndyǵy 38 km bolatyn 50 kóshege ortasha jóndeý jumystary júrgiziledi.