Bostonda ótken aýksıonda Hırosımadaǵy ıadrolyq bombalaýdan aman qalǵan saǵat satyldy, - dep habarlaıdy almaty-akshamy.kz.
Ulybrıtanıalyq sarbaz bir kezderi jezden jasalǵan qol saǵatty Hırosıma aýmaǵynan (Japonıa) taýyp alǵan. Saǵat ábden kúıip, balqyp ketken eken.
Al onyń tilderi tańǵy saǵat 8:15-te qatyp qalǵan.
Áınegi bulyńǵyr bolyp ketse de, anyqtap qarasa sandary kórinedi.
Aýksıonǵa shyǵarylǵan saǵat 31 113 dollarǵa satyldy (shamamen 14 046 197 teńge). Jeńimpaz óziniń aty-jónin jarıa etpeýdi ótingen.
"Kólemi kishirek bolsa da, bul óte mańyzdy jáne tarıhı jádiger," - delingen aýksıon saıtyndaǵy habarlamada