Eki esigi bar kólikter de taksıden shettetiledi.
İshki ister mınıstriniń orynbasary Igor Lepeha róli oń jaqta ornalasqan kólikterge taksı qyzmetimen aınalysýǵa tyıym salynǵanyn eske saldy, dep habarlaıdy aqshamnews.kz
Lepehanyń aıtýynsha, kólik mınıstriniń arnaıy buıryǵy bar. Oǵan sáıkes, róli oń jaqta ornalasqan kóliktermen jolaýshylardy tasymaldaýǵa tyıym salyndy. Biraq ondaı adamdardy jazaǵa tartý qıyn.
"Olardy polısıa toqtatqanda, salondaǵy adamdar týystarym nemese dostarym deı salady, toıǵa bara jatyr deıdi. Ol adamdar da úndemeı otyrady. Biz ondaı kólikterdiń adam tasymaldaýmen aınalysyp júrgenin bilemiz, biraq jaýapqa tarta almaı jatamyz", - dedi Lepeha.
Onyń aıtýynsha, qazirgi kezde InDrive pen Iandeks taksı arnaıy memorandýmǵa qol qoıdy. Sonyń aıasynda taksı agregatorlary róli oń jaqta ornalasqan kólik ıelerimen kelisimshart jasamaıdy. Eki esigi bar kólikter de shettetiledi.
"Bul memorandýmdar 1 qańtardan bastap kúshine enedi. Zańǵa da tıisti ózgerister engizildi. Sol sebepti 1 qańtarda bastap biz osy máselege qatysty sharalardy kúsheıtemiz", - dedi mınıstrdiń orynbasary.