Zerthana sıntetıka óndirýmen aınalysqan.
İİM esirtki qylmysyna qarsy is-qımyl jónindegi qyzmetkerleri Almaty qalasynyń Jetisý aýdanynda jalǵa alynǵan jeke úılerdiń birinde esirtki zerthanasyn joıdy, dep habarlaıdy aqshamnews.kz Polisia.kz-ke silteme jasap.
"Jedel izdestirý is-sharalaryn júrgizý barysynda jalpy salmaǵy bir jarym kılogramnan asatyn “alfa-pvp” sıntetıkalyq psıhotroptyq zaty tabylyp, tárkilendi. Kúdikti ustaldy. Odan salmaǵy 100 gramnan asatyn “sıntetıka” tárkilendi. Er adam esirtkini baılanyssyz tásilmen ótkizbek bolǵan. Ol ýaqytsha ustaý ızolátoryna qamaldy,-dedi İİM esirtki qylmysyna qarsy is-qımyl komıteti tóraǵasynyń orynbasary Qýandyq Áljanov.
Polısıa jyl basynan beri 52 esirtki zerthanasyn joıdy. Zańsyz aınalymnan jarty tonna “sıntetıka” tárkilendi, bul ótken jylmen salystyrǵanda eki ese kóp.
"Esterińizge sala keteıik, 2021 jyldyń qazan aıynan bastap “sıntetıka” esirtkiniń aýyr túrine teńestirildi. Olardy saqtaý úshin qylmystyq jaýapkershilik bir gramnan bastalady. Atalmysh fakt boıynsha kúdikti múlki tárkilenip, 10 jyldan 15 jylǵa deıin bas bostandyǵynan aıyrylýy múmkin", – dedi spıker.