Tıisti saraptama taǵaıyndaldy.
Túrkistanda aqbókenderdi aýlaǵan brakonerler qolǵa tústi, dep habarlaıdy aqshamnews.kz
Polisia.kz-tiń málimetinshe, Sozaq aýdandyq polısıa bólimine «Ohotzooprom» ınspektorynan habarlama túsken. Ol aımaqta júrgen belgisiz kúdikti kólikti tekserý kerektigin jetkizdi. Oqıǵa ornyna jedel jetken saqshylar Qyzyl kitapqa engen jabaıy janýarlardy zańsyz aýlaý deregin anyqtady.
«Jedel ýákilder der kezinde qabyldaǵan sharalar nátıjesinde kúmándi Toyota Land Sruizer kóligi, 16 dana aqbókenniń ushasy, 13 dana aqbókenniń basy, 2 dana pyshaq, 58 dana ańshy myltyǵynyń oǵy, dúrbi, ańshy myltyǵy, 12 kalıbrli, eki uńǵyly 2 myltyq, 4 dana jaryqtandyrǵyshty zattaı dáleldeme retinde tárkiledi. Tıisti saraptama taǵaıyndaldy», -delingen aqparatta.
Jergilikti tártip saqshylary kóliktegi kúdikke ilingen 4 er adamdy polısıa bólimine jetkizdi. Olar Jambyl oblysynyń turǵyndary bolyp shyqty.
Bul jaıt janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý boıynsha tirkelip, oqıǵanyń mán-jaıy anyqtalyp jatyr.