Immýnolog alyp-qashpa áńgimelerge senbeýge shaqyrady
Immýnolog, medısına ǵylymdarynyń kandıdaty Nıkolaı Krúchkov "omıkron"shtamy koronavırýstyq vaksınany almastyra alady degen pikirdi joqqa shyǵardy. Bul týraly ol "Vechernáá Moskva" basylymyna bergen suhbatynda aıtty, dep habarlaıdy Almaty-akshamy.kz tilshisi REN-tv-ǵa silteme jasap.
Krúchkov mundaı málimdemeler vaksınasıalaý qarqynyn báseńdetýi múmkin ekendigine nazar aýdardy. Sebebi buǵan senip, keıbir adamdar ekpe alýdan bas tartýy múmkin, deıdi.
«Olarǵa tipti habarlap ta úlgergen. Jańa jylǵa bizde syılyq bar: tiri, tegin vaksına, eshqaıda barýdyń da qajeti joq. Aýrýdy qaıta juqtyramyz - sodan keıin bári jaqsy bolady degendeı», - dep tolyqtyrǵan ımmýnolog koronavırýstyń jańa túriniń qaýipti ekenin eskertti.
Esterińizge sala keteıik, Ońtústik Afrıkada COVID-19 jańa mýtasıasy tabyldy. Búgingi tańda bul shtamm 40-qa jýyq elde tabyldy. Abyroı bolǵanda, ázirge ólim jaǵdaılary áli tirkelgen joq. Sondaı-aq, "omıkron" aýrýynyń tez taralýyna qaramastan, naýqastardaǵy aýrýdyń ózi "delta" shtamymen aýyratyndarǵa qaraǵanda jeńil jáne tez júretini belgili.