QR Prezıdenti janyndaǵy Ortalyq komýnıkasıalar qyzmetinde ótken baspasóz konferensıasynda megapolıs ákimi Baqytjan Saǵyntaev jumys isteıtin jas qala turǵyndaryn turǵyn úımen qamtamasyz etý máselesin sheshý týraly aıtty, dep habarlaıdy Almaty-akshamy.kz
Búginde jeke turǵyn úı satyp alýǵa jetkilikti qarjysy joq 29 jasqa deıingi jastarda «Nurly jer» baǵdarlamasy boıynsha qoljetimdi baǵamen jalǵa beriletin páterlerdi alý múmkindigi bar. Ol boıynsha eń tómengi jaldaý aqysy 10 myń teńgeden bastalatyn 5 jyl merzimge satyp alý quqyǵynsyz jalǵa beriletin turǵyn úı berý kózdelgen.
2021 jylǵy 15-20 qarasha aralyǵynda osy baǵdarlama aıasynda almaty-jastary.info saıtynda ótinimderdi onlaın qabyldaý júrgizildi.
Naýryzbaı aýdanynyń «Alma sıtı-5» TK jáne Alataý aýdanynyń «Mádenıet» TK-de 1050 páter. Baıqaý qorytyndysy atalǵan saıtta 2021 jyldyń 16 jeltoqsanynda jarıalanady. Jyl basynan beri 910 otbasy baspanaly boldy.
Sonymen qatar, ótken jyldan bastap «Almaty jastary» qalalyq baǵdarlamasy boıynsha jylyna myńdaǵan jeńildetilgen nesıeler berilip keledi.
Jalpy, ósip kele jatqan halyqty turǵyn úımen qamtamasyz etý úshin jyl sońyna deıin 2,6 mln sharshy metrden astam turǵyn úıdi paıdalanýǵa berý josparlanyp otyr. Kezekte turǵandar úshin búdjet esebinen 3,2 myń páter tapsyrylady. «Nurly jer» baǵdarlamasy boıynsha «Shańyraq» pılottyq jobasy iske qosyldy, bul bıyl 800-den astam almatylyqtardy turǵyn úımen qamtamasyz etýge múmkindik berdi.