Ǵalym koronavırýstyń "omıkron" nusqasynyń paıda bolý sebepteriniń birin aıtty
Koronavırýstyń jańa nusqalary vaksınalaný deńgeıi tómen elderden keledi. Bul týraly Qazaqstannyń profılaktıkalyq medısına akademıasynyń prezıdenti Almaz Sharman málim etti, dep habarlaıdy Almaty-akshamy.kz
Profesor Almaz Sharmannyń aıtýynsha, "omıkron" nusqasynyń paıda bolý sebepteriniń biri - vaksınalanbaǵan adamdardyń aǵzasynda vırýstyń uzaq replıkasıasynyń bolýynan týyndaıdy. "Omıkron" nusqasy ımýndyq qorǵanysty jeńe alady. Imýndyq jaýapty kúsheıtý úshin óte mańyzdy tetikti – býsterlik dozamen revaksınasıany barynsha qosýdyń ýaqyty keldi", - deıdi Almaz Sharman. Medısına profesory revaksınalaýdy usynady, óıtkeni bul beıtaraptandyratyn antıdeneler deńgeıin yntalandyratyn úshinshi vaksına, ol shynymen koronavırýstan qorǵaıdy. Sonymen qatar, úshinshi vaksına aýrýdyń aýyr túrlerinen qorǵaıdy. Ol joǵalǵan ımýndyq qorǵanysty qalpyna keltiredi. 60 jastan asqan adamdarǵa, sondaı-aq dıabetpen, semizdikpen, gıpertonıamen, júrek-qan tamyrlary, aýtoımmýndyq jáne basqa aýrýlarmen aýyratyn adamdarǵa qaıta vaksınalaý óte mańyzdy. Adamdardyń bul sanattary "omıkron" paıda bolý qarsańynda birinshi kezekte vaksınalaýdy jáne revaksınalaýdy qajet etedi. «Vırýstyń bul nusqasyna nemquraıdy qaraýǵa bolmaıdy. Bul ınfeksıalardyń aldyn alý úshin bárimizge, sonyń ishinde balalarǵa da sharalar qabyldaý kerek», - dedi profesor. Ǵalym "omıkron" - sońǵy mýtasıalanǵan vırýstardyń biri, taǵy bir tolqyn týdyrýy múmkin ekenin aıtty. «Bul pandemıanyń sońǵy kezeńi bolady dep úmittenemin, biraq koronavırýs esh jerde joıylmasa da, bul endemıkalyq ınfeksıa bolady, ol mezgil-mezgil ózin eske salady. 2022 jyly biz biletin pandemıa aıaqtalady dep úmittenemin», - dep qorytyndylady sózin Almaz Sharman.