COVID-19: Kanada hokeıden jastar arasyndaǵy álem chempıonatyn keıinge qaldyrdy
Kanada hokeıden jastar arasyndaǵy álem chempıonatyn keıinge qaldyrdy, dep habarlaıdy Almaty-akshamy.kz
AQSH, Chehıa jáne Reseı quramalarynyń oıynshylarynda Sovid-19 juqtyrý derekteri anyqtaldy. Osyǵan baılanysty úsh mach ta toqtatyldy.
Týrnırdi jalǵastyrý máselesi týraly aıtylǵan jınalystan keıin medısınalyq sarapshylar tobynyń usynysy boıynsha bılik chempıonatty merziminen buryn jaýyp tastady.
«IIHF keńesi bul sheshimdi barlyq qatysýshylardyń densaýlyǵy men qaýipsizdigin qamtamasyz etý úshin COVID-19 aýrýy men koronavırýstyń «omıkron» nusqasynyń úzdiksiz taralýyna baılanysty qabyldady», - delingen uıym habarlamasynda.
1977 jyldan beri ótkizilip kele jatqan hokeıden jastar arasyndaǵy álem chempıonaty óz tarıhynda alǵash ret merziminen buryn aıaqtaldy. Bul týrnır 2022 jyldyń 5 qańtarynda aıaqtalady dep josparlanǵan bolatyn. RF Densaýlyq saqtaý mınıstrliginiń juqpaly aýrýlar jónindegi shtattan tys bas mamany profesor Vladımır Chýlanov azamattarǵa jańa jyldyq merekelerde shetelge barýdan bas tartýdy usyndy.
«Álemniń ártúrli elderinde jańa «omıkron» shtamynyń belsendi taralýyna baılanysty merekelerge sheteldik saparlardy josparlamaǵan jón, eger josparlanǵan bolsa, onda aldyn - ala vırýsqa qarsy ekpe jasatý kerek jáne saıahat kezinde aldyn-alý sharalaryn muqıat saqtaý qajet», - dep keńes berdi profesor.
Infeksıonıst COVID-19 áserinen qorǵaýdyń eń tıimdi ádisi vaksınasıa ekenin atap ótti.