Eki jaǵdaı da zerthanalyq túrde rastaldy
Belarýs Respýblıkasynda koronavırýstyń «Omıkron-nındzá» atty jańa shtamy anyqtaldy, dep habarlaıdy Almaty-akshamy.kz BAQ.KZ-ke silteme jasap.
COVID-19 taralýyna jol bermeý jónindegi VAK taratqan málimetke súıensek, Mınski men Vıtebsk turǵyndary jańa shtamdy juqtyrǵan.
«Eki jaǵdaı da zerthanalyq túrde rastaldy. Naýqastar vırýsty jeńil túrde ótkizýde. «Omıkron-nındzá» aǵzaǵa tez enip, ımýnıtetti álsiretedi jáne antıdenelerdi elemeıdi. Ony juqtyrǵan bir naýqas 12 adamǵa juqtyrýy múmkin. Bul basqa shtamdarǵa qaraǵanda eki ese kóp. Omıkronnyń jańa kishi túri – Ońtústik Afrıkadan mýtasıalanǵan vırýstyń besinshi jelisi. Qazir bul shtamm AQSH pen Batys Eýropada keń taralǵan. "Bul negizinen turaqty túrde mýtasıaǵa ushyraıtyn "omıkron". Sondyqtan biz klınıka boıynsha aýyrtpalyq pen aǵymnyń aýyrlyǵy jaǵynan qandaı da bir erekshe jaǵdaılardy kútpeımiz. Emniń bastalý jyldamdyǵy, kontagıozdigi – onyń basqalardan aıyrmashylyǵy. Munda biz Omıkron shtamy bolǵan kezdegi sońǵy tolqynnan ol aýrýdyń aýyrlyǵy men aǵymynyń jumsaq túrin týdyrǵanyn kórdik», – dep atap ótti Belarýs eliniń bas memlekettik sanıtarıalyq dárigeri.
Dárigerler jaqyn arada ásirese táýekel tobyndaǵy adamdarǵa koronavırýsqa qarsy vaksınasıalaýdy jáne qaıta vaksınasıalaýdy usynyp otyr.
Atalǵan memlekette halyqtyń 70%-y COVID-19-dan egilgen. Olardyń 27%-y qaıta vaksınasıadan ótti. Elde bes jastan bastap koronavırýsqa qarsy vaksınasıa jasalady. Reseılik jáne qytaılyq preparattardy qoldanýda.