Jemqorlyq faktisimen 900-ge jýyq tulǵa áshkerelendi
Qasym-Jomart Toqaevqa eldegi sybaılas jemqorlyqqa qarsy is-qımyl boıynsha qabyldanyp jatqan sharalar baıandaldy, dep habarlaıdy Almaty-akshamy.kz Aqordanyń baspasóz qyzmetine silteme jasap.
Atap aıtqanda bıylǵy 7 aıda 1400-den astam sybaılas jemqorlyq qylmysy tirkelip, jemqorlyq faktisimen 900-ge jýyq tulǵa áshkerelendi.
Prezıdentke sybaılas jemqorlyq qylmystaryna jol bermeý jónindegi profılaktıkalyq jáne aldyn alý sharalary týraly málimet berildi.
Oljas Bektenovtiń aıtýynsha, atalǵan sharalar aıasynda kóliktik baqylaý, Áleýmettik kásipkerlik korporasıalary, sondaı-aq Indýstrıa jáne ınfraqurylymdyq damý mınıstrliginiń Memlekettik qorǵanystyq tapsyrys komıteti salalaryndaǵy syrtqy taldaýdyń aıaqtalǵanyn habarlady.
Sybaılas jemqorlyq qaýipteri memlekettik qorǵanys tapsyrysyn qalyptastyrýdyń ónim kólemin josparlaýdan bastap shart mindettemelerin oryndaýǵa deıingi barlyq satysynda kezdesedi.
Prezıdenttiń tapsyrmasyna sáıkes agenttik Sybaılas jemqorlyqqa qarsy qyzmet bólimsheleriniń jumysyn baǵalaý tásilderin qaıta qarady. Statısıkalyq kórsetkishter úshin ǵana jasalatyn áreketter alynyp tastaldy.
Vedomstvonyń qyzmetinde baǵdar retinde sybaılas jemqorlyq qaýipteriniń kartasy aıqyndalyp, oǵan prosesterdiń ashyq bolmaýyna, ákimshilik kedergilerge jáne jergilikti jerlerdegi memlekettik qyzmetshilerdiń óz mindetterin tıisti deńgeıde oryndamaýyna baılanysty halyq pen bıznesti tolǵandyratyn kókeıkesti máseleler engizildi.
Kezdesý sońynda Memleket basshysy Sybaılas jemqorlyqqa qarsy qyzmettiń jumysyn kúsheıtý jóninde birqatar mindet júktedi.