Premer-mınıstr Oljas Bektenovtiń tóraǵalyǵymen sý tasqynyna qarsy sharalardy úılestirý jáne qarǵyn sý saldaryn joıý jónindegi respýblıkalyq shtabtyń otyrysy ótti. Bul týraly Aqshamnews.kz saıty habarlaıdy.
Otyrys barysynda:
- Ekologıa jáne tabıǵı resýrstar mınıstri Erlan Nysanbaev óńirlerdegi gıdrometeorologıalyq jaǵdaı týraly baıandady.
- «Tasqyn» júıesindegi sý tasqyny modeldeý nátıjelerin Sıfrlyq damý, ınovasıalar jáne aeroǵarysh ónerkásibi mınıstri Jaslan Mádıev tanystyrdy.
- Sý nysandarynyń qazirgi jaǵdaıyn Sý resýrstary jáne ırrıgasıa mınıstri Nurjan Nurjigitov baıandady.
- Tótenshe jaǵdaılar mınıstri Shyńǵys Árinov yqtımal sý tasqynyna jedel áreket etý daıyndyǵy týraly aqparat berdi.
Sý tasqyny qaýpi joǵary aımaqtar Shyǵys Qazaqstan, Qaraǵandy, Aqmola, Soltústik Qazaqstan, Qostanaı, Aqtóbe, Abaı, Ulytaý oblystary dep belgilendi. Ortasha qaýip Almaty, Jetisý, Jambyl, Batys Qazaqstan jáne Atyraý oblystarynda baıqalyp otyr.
Qazirgi tańda el aýmaǵynyń 67%-y qar astynda. Qostanaı, Aqmola, Pavlodar, Qaraǵandy oblystarynda toń qalyńdyǵy 130-150 sm-ge deıin jetken. Sınoptıkterdiń boljaýynsha, naýryz jáne sáýir aılarynda aýa temperatýrasy joǵarylap, jaýyn-shashyn kóp bolady, bul óz kezeginde sý tasqyny qaýpin arttyrýy múmkin.
Osyǵan baılanysty Aqmola, Batys Qazaqstan, Ulytaý, Qaraǵandy jáne Soltústik Qazaqstan oblystarynda aldyn alý sharalaryn jedeldetý tapsyryldy.