Pore mansabynda jetinshi ret jeńiliske ushyrady
Las-Vegasta (Nevada, AQSH) T-Mobile arenasynda UFC 269 týrnıriniń basty shaıqasy brazılıalyq faıter Charlz Olıveıra (31-8) men amerıkalyq Dastın Pore (28-6) arasynda ótti, dep habarlaıdy Almaty-akshamy.kz Prosports.kz-ke silteme jasap.
Olıveıra óziniń jeńil salmaqtaǵy UFC chempıony tıtýlyn báske tikti. Bes raýndqa josparlanǵan jekpe-jek búkil qashyqtyqqa sozylmady, úshinshi raýndta Olıveıranyń jeńisimen aıaqtaldy.Charlz qylqyndyrý ádisin paıdalandy.
Osylaısha, Charlz MMA-da 32-shi jeńisine qol jetkizip, belbeýin saqtap qaldy. Pore mansabynda jetinshi ret jeńiliske ushyrady.
Eske sala keteıik, buǵan deıin reseılik Habıb Nýrmagomedov (29-0) osy dıvızıonda chempıon ataǵyn ıelengen.