Tıimdiligi 10 kún ishinde tekseriledi
Reseılik «Spýtnık V» vaksınasynyń «omıkron» shtamyna qarsy tıimdiligi 10 kún ishinde tekseriledi. Bul týraly Gamaleıa atyndaǵy Epıdemıologıa jáne mıkrobıologıa ǵylymı ortalyǵynyń dırektory Aleksandr Gınsbýrg málimdedi, - dep habarlaıdy Almaty-akshamy.kz Tengrinews.kz-ke silteme jasap.
«Meniń oıymsha, tıimdilikti tekserý úshin 10 kún jetkilikti», - dedi Gýnsbýrg.
Dúnıejúzilik densaýlyq saqtaý uıymy qarashanyń aıaǵynda ótken shuǵyl jınalystan keıin Ońtústik Afrıkada tabylǵan koronavırýstyń jańa nusqasyn «alańdaýshylyq týdyratyn» sanatqa jatqyzdy. DDSU jańa B.1.1.529 shtamyn grektiń «omıkron» árpimen atady.
Buǵan deıin qalanyń bas memlekettik sanıtarıa dárigeri Jandarbek Bekshın Almatyda "omıkron" shtammy qashan paıda bolady degen suraqqa jaýap bergen bolatyn.