Olımpıadada 80 sportshy Qazaqstan namysyn qorǵaıdy.
Parıjde 26 shildede QR quramasynyń qatysýymen XXXIII jazǵy Olımpıada oıyndarynyń saltanatty ashylý rásimi ótti. Dúbirli dodany elimizde tikeleı efırde «Qazaqstan», Qazsport, «Habar», «El Arna» jáne «Jibek joly» telearnalary kórsetti, dep habarlaıdy aqshamnews.kz.
Almaty turǵyndary men qonaqtary olımpıadanyń ashylý saltanatyn úlken 5 LED-ekrandar arqyly tamashalaı aldy.
- Djambo - statýs ekrany, Nazarbaev dańǵyly, Sátpaev kósh.qıyl, 14;
- «Atakent» KQKO - statýs ekrany, Áýezov kósh., Tımırázev kósh.qıyl;
- «Almaly» SOO - Sátpaev kóshesindegi ortalyq alańdaǵy stela;
- «SÝM» SOO - medıafasad, Jibek Joly kósh, SÝM-ǵa qarama-qarsy;
- «Tıgrohaýd» SOO – medıafasad, Abaı dańǵyly men Altynsarın kósheleriniń qıylysy.
Jazǵy Olımpıada oıyndarynyń ashylý saltanatyn tamashalaýǵa halyq kóp jınaldy.
– Óte áserli! Mundaı ǵajaıyp dúnıeni úlken ekranda kórgen erekshe eken. Ári bizge osyndaı múmkindik berilgenine qýanyshtymyn, - deıdi Olımpıadanyń ashylý saltanatyn kórýge kelgen qala turǵyndarnyń biri.
- Joldary ashyq bolsyn! Bizdiń sportshylarymyzǵa barynsha tabysty óner kórsetip, medal jeńip alýlaryna tilektespin, - dep tilegin bildirdi taǵy bir qala turǵyny.
Qazaqstan komandasynyń quramynda Olımpıadaǵa 80 sportshy attandy, onyń ishinde 11 sportshy men bir parasportshy Almaty qalasynan.
Buǵan deıin Parıjde 2024 jylǵy Olımpıada oıyndarynyń ashylýy bastaldy dep habarlanǵan bolatyn. Sportshylar sherýi kezinde Qazaqstan quramasynyń týyn boksshy Aslanbek Shymbergenov pen jeńil atlet Olga Safronova alyp shyqty.