olımpıForma tolyǵymen demeýshilerdiń qarajatyna tigilmek, dep habarlaıdy Almaty-akshamy.kz
Týrızm jáne sport mınıstri Ermek Marjyqpaev Parıj olımpıadasyna baratyn sportshylardyń formasyn tigýge búdjetten bir tıyn da jumsalmaıtynyn aıtty.
«Olımpıada formasy demeýshiler esebinen tigiledi. Iaǵnı, búdjettiń birde bir tıyny jumsalmaıdy. Demeýshilerdiń arasynda bizdiń qurama komandanyń jankúıerleri de bar. Bir forma qansha turatynyn aıta almaımyn. Bilmeımin. Demeýshilerdiń Olımpıada formasyn ázirleý baqylaýda. Shilde aıynyń basynda Olımpıada formasy daıyn bolady degen úmittemiz», - deıdi Ermek Marjyqpaev.
Sondaı-aq ol Olıpıadaǵa daıyndyq is-sharalary jaıly aıtyp berdi.
«Qazir biz federasıalar basshylary men bapkerlerimen kezdesý ótkizip, daıyndyq jumystaryn júrgizip jatyrmyz. Olımpıadaǵa daıyndyq boıynsha memlekettik organ men federasıalar músheleri bar shtab jumys istep jatyr», - deıdi ol.