Qazaqstandyq júzgish, Olımpıada chempıony, Azıa oıyndarynyń úsh dúrkin chempıony, 50, 100 jáne 200 metr qashyqtyqtaǵy Qazaqstannyń rekordshysy Dmıtrıı Balandın beı-jaı qaramaıtyn qala turǵyndaryn súıikti Almatynyń aýmaǵyn jınaý jónindegi kóktemgi bastamaǵa qosylýǵa shaqyrdy, dep habarlaıdy Almaty-akshamy.kz.
Bul týraly ol óziniń Instagram paraqshasynda aıtty https://www.instagram.com/stories/dmitriy_balandin_/3342562174063487089/?igsh=dzlwNHczeG43c3Az
«Almatylyqtar úshin qala ákimdigi 8 sáýir men 8 mamyr aralyǵynda «Almaty-bizdiń ortaq úıimiz» jobasyn iske qosýda, onyń aıasynda kóptegen aǵashtar otyrǵyzylyp, jalpyqalalyq senbilikter uıymdastyrylyp, qoǵamdyq oryndar tazalanyp, retke keltirilýde. Siz bul jobaǵa óz aýlańyzdan tazartý arqyly qatysa alasyz Bárimiz birge súıikti qalamyzdy burynǵydan da jaqsartaıyq!»,- dep shaqyrdy kópshilikti ataqty sportshy.
Esterińizge sala keteıik, 8 sáýirde «Almaty – bizdiń ortaq úıimiz» naýqany bastaldy. Árbir turǵyn qalanyń damýy men abattandyrylýyna óz úlesin qosa alady.
Barlyq aqparat almaty.kz saıtynda, Almaty ákimdiginiń áleýmettik jelilerinde ornalasqan. Sondaı-aq, veb-saıtqa arnaıy QR-kod arqyly qala boıynsha ornalastyrylǵan bannerlerde, plakattarda jáne afıshalarda kirýge bolady.
Naýqannyń belsendi qatysýshylaryna arnalǵan áleýmettik jelidegi heshtegter: #AlmatyNashObshııDom, #NasMnogoGorodOdın, #AlmatyBizdińOrtaqÚıimiz, #BizKóppizQalajalǵyz.