Shalǵaı aýyldardyń 90 myńnan astam turǵyny medısınalyq qyzmetpen qamtylady.
Densaýlyq saqtaý mınıstrligi men «Samruk-Kazyna Trust» KQ «Medısınalyq poıyzdar» jobasy sheńberinde jaýapkershilikti kúsheıtý jáne ózara is-qımyldy nyǵaıtý boıynsha yntymaqtastyq týraly Memorandýmǵa qol qoıdy, dep habarlaıdy Almaty-akshamy.kz Densaýlyq saqtaý mınıstrligine silteme jasap.
«Járdem» mamandandyrylǵan medısınalyq poıyzy turǵyndardy bilikti tegin medısınalyq kómekpen qamtamasyz etý maqsatynda aǵymdaǵy jyldyń 20 sáýirinde shalǵaıdaǵy aýyldar men stansıalaryna júre bastaıdy.
«Memleket basshysynyń tapsyrmasyn iske asyrý sheńberinde shalǵaıdaǵy aýyl turǵyndaryna medısınalyq kómektiń qoljetimdiligin jaqsartý úshin kólik medısınasy uıymdastyryldy.
Medısınalyq poıyz aýyl turǵyndaryna medısınalyq zerttep-qaraýlardyń, dıagnostıkalyq qyzmetterdiń, arnaıy mamandardyń keń aýqymyna qol jetkizýge múmkindik beredi jáne emdeýge jatqyzýǵa joldama ala alady», - dep atap ótti Densaýlyq saqtaý mınıstri.
Aldyn ala bıyl profılaktıkalyq qarap-tekserýlerdi, skrınıngtik zertteýlerdi, dárilik zattarmen qamtamasyz etýdi, beıindi mamandardyń konsýltasıalaryn, zerthanalyq-dıagnostıkalyq qyzmetterdi, EKG, ÝDZ, flúrografıany qosa alǵanda, 1 mln medısınalyq qyzmet kórsetý josparlanýda.
Óz baǵyty sheńberinde medısınalyq poıyz 140 stansıaǵa barady, onda 92 myńnan astam adam zerttelip-qaralyp, emdeletin bolady, dárigerler 100 myńnan astam qabyldaý ótkizedi.
Sý tasqyny jaǵdaıyn eskere otyryp, zardap shekken aýyldyq eldi mekenderdiń turǵyndary medısınalyq poıyz qyzmetterimen qamtylatyn bolady.