Jobalardy basqarý salasynda jobalyq keńse menedjerleriniń biliktiligin únemi jańartý, jetildirý qajettiligi týyndaıdy.
Joba menedjerleriniń biliktiligin arttyrýdyń tıimdi ádisteriniń biri tájirıbeli mamandandyrylǵan semınarlaryn ótkizý bolyp tabylady. Bul joba menedjerlerine sońǵy trendterden habardar bolýǵa jáne olardyń jumysynda kezdesetin naqty qıyndyqtarǵa daıyn bolýǵa múmkindik beredi, dep habarlaıdy almaty-akshamy.kz.
Júrgizilip jatqan oqytý taqyryptarynyń biri «Belgisizdik jaǵdaıynda jobany búdjetteý» bolyp tabylady, ony óz áriptesteri úshin Almaty qalasynyń jobalyq keńsesiniń basshysy, «Almaty qalasyn damytý ortalyǵy» AQ Basqarma tóraǵasy Andreı Shovkoplás júrgizdi. Almaty qalasynyń jobalaryn qarjylandyrýdyń negizgi kózi retinde jergilikti búdjet qarajatyna uqypty jáne tıimdi qaraý joba menedjerleriniń mańyzdy mindeti bolyp tabylady.
Jobalardy basqarý salasyndaǵy keń tájirıbe, jattyqtyrýshynyń tıisti bilimi joba menedjerleriniń aldynda turǵan qıyndyqtar men erekshelikterin túsinýdi qamtamasyz etedi. Dál osy komponentterdiń bolýy sapaly oqytýdyń negizin quraıdy.
«Belgisizdik jaǵdaıynda búdjetteý taqyryby boıynsha jobalyq menedjerler úshin biliktilikti arttyrý semınarlaryn ótkizý olardyń kásibı damýynda mańyzdy ról atqarady. Bul jobalardyń qarjylyq resýrstary men táýekelderin tıimdi basqarý arqyly qalanyń ornyqty damýy men órkendeýin qamtamasyz etý úshin qajetti qadam bolyp tabylady», - dep atap ótti «Almaty qalasyn damytý ortalyǵy» AQ Basqarma tóraǵasy A.Shovkoplás.