Elektrondyq saýda alańynda tárkilengen 17 zat aýksıonǵa shyǵaryldy, dep habarlaıdy aqshamnews.kz
Saýda nátıjesine sáıkes qazaqstandyqtar myna zattardy satyp alǵan:
«Eco Swis» qol saǵaty – 97 447 teńgege;
«Troops of Chinggis Khan» koleksıalyq monetasy – 153 867 teńgege;
qazaqy oıýy bar saqına – 85 065 teńgege.
Alaıda qalǵan 14 zat satylmaı qaldy. Olardyń qatarynda:
«Ulysse Nardin Classic 789-80» qol saǵaty – 150 117 236 teńgege;
gaýhar tasty áshekeı buıymdar jıyntyǵy (eki syrǵa, alqa, eki saqına) – 59 864 045 teńgege;
«Frank Muller Geneve» qol saǵaty – 20 490 230 teńgege.
QAITADAN SAÝDAǴA SHYǴARYLADY
Aýksıon erejesine sáıkes, satylmaǵan lottar qaıtadan saýdaǵa shyǵarylady. Uıymdastyrýshylar baǵany tómendetý arqyly satýǵa úmittenip otyr. Sondyqtan bul lúks zattar taǵy da aýksıonǵa túsýi ábden múmkin.
TÁRKİLENGEN MÚLİKTER
Buǵan deıin aýksıonda qańtar oqıǵasynan keıin memlekettik opasyzdyq úshin sottalǵan burynǵy UQK tóraǵasy Kárim Másimovten tárkilengen múlikterdiń satylyp jatqany belgili bolǵan. 37 lottyń 21-i satylyp, jalpy somasy 10,5 mln teńgeden asqan.