«Karkyra-Avtodorojnyı» ótkizý pýnkti táýlik boıy jumys isteı bastady

«Karkyra-Avtodorojnyı» ótkizý pýnkti táýlik boıy jumys isteı bastady Sýret: Kaktus.media

Qyrǵyzstandaǵy «Karkyra-Avtodorojnyı» ótkizý pýnkti 2025 jyldyń 25 tamyzynan bastap táýlik boıy jumys isteý tártibine kóshti.

Bul sheshim Qyrǵyzstan Prezıdenti Sadyr Japarov pen Qazaqstan Prezıdenti Qasym-Jomart Toqaevtyń Qyrǵyzstanǵa resmı sapary barysynda ótken kelissózderdiń nátıjesinde qabyldandy. Jańa rejımniń engizilýi eki eldiń dostyq qatynastaryn nyǵaıtyp, ekonomıkalyq yntymaqtastyqty damytýǵa degen umtylysyn kórsetedi.

Ótkizý pýnktiniń jańa jumys rejımine kóshýine arnalǵan saltanatty rásim ótkizý pýnktiniń aýmaǵynda ótip, oǵan eki eldiń joǵary laýazymdy ókilderi qatysty. Qyrǵyz tarapynan UQK Shekara qyzmeti tóraǵasynyń birinshi orynbasary Abdıkarım Alımbaev kelse, Qazaqstan delegasıasyn UQK Shekara qyzmeti dırektorynyń orynbasary T. Júnisov bastap bardy. Sondaı-aq sharaǵa shekara mańyndaǵy aýyldardyń aqsaqaldary da qatysty.

Óz sózinde Alımbaev ótkizý pýnktiniń táýlik boıǵy jumys tártibine kóshýi – shekaradan ótý rásimderin jeńildetip, týrızm men saýdanyń damýyna jol ashatyn strategıalyq mańyzdy qadam ekenin atap ótti. Delegasıalar eki eldiń ótkizý pýnktterin aralap, olardyń jumysymen tanysty. İs-shara konserttik baǵdarlamaǵa ulasty.

Ystyqkól oblysynyń Túp aýdanynda ornalasqan «Karkyra-Avtodorojnyı» ótkizý pýnkti adamdar men kólik quraldaryn ótkizýge arnalǵan. 2026 jyly zamanaýı shekaralyq ınfraqurylym nysandaryn salý josparlanyp otyr, bul ótkizý múmkindigin arttyryp, shekaralyq baqylaýdyń tıimdiligin jaqsartýǵa múmkindik beredi.

Sizdiń reaksıańyz?
Unaıdy
0
Unamaıdy
0
Kúlkili
0
Shekten shyqqan
0
Sońǵy jańalyqtar

22:51

22:11

18:46

18:14

17:57

17:51

17:34

17:34

17:34

16:44

16:43

16:36

16:07

16:06

15:56

15:29

15:00

14:45

14:43

14:38

13:31

13:03

12:49

12:00

11:24