Bıatlonnan álem chempıonaty ótip jatyr. Adamnyń azartyn asqyndyratyn jaqsy sport túri. Aıtpaǵymyz - qazaq sport komentatorlaryna termınologıalyq turǵyda usynys. Bıatlonda «gonka presledovanıa» degen jarys túri bar. Osy ataýdy bizdiń komentatorlar reportaj barysynda «iz kesý» dep júr.
Shamasy, bul jarystyń qazaqsha ataýy «iz kesý» bolýy múmkin emes. İz kesý - iz ańdý, izdeý, iz baǵý degen túsinikti bildiredi. Shańǵymen kóz aldyńda júgirip bara jatqan bıatlonshyny qalaı izdeısiń? Ol kópe-kórneý júgirip bara jatqan joq pa?
Bul orystyń «sled» degen sózinen kálka aýdarma: oryssha «gonka presledovanıa» bolǵan soń, bizdiń jigitter «iz» sóziniń izimen «iz kesý» degen máni teris aýdarma jasap alǵan sıaqty.
Umytpasam, budan tórt-bes jyl buryn bıatlonnan reportaj júrgizip júrgen sol kezdegi jigitterge óz aýdarma nusqamdy usynǵan edim.
Qysqasy, «gonka presledovanıa» degen tirkesti «óksheleı qýý» dep ataǵan jón sıaqty». Tipti sizderge orystyń «sled» degen sózi aýadaı qajet bolyp bara jatsa, «izben qýý» nemese «izben júgirý» deýge bolady.
Qalaı bolǵanda da, «iz kesý» degen tirkes bıatlondaǵy bul jarys túriniń mazmundyq mán-jaıyn ashyp turǵan joq.