Almatyda Nursultan Nazarbaev qamaýǵa alynyp, júrgizýshi kýáliginen aıyryldy.
Bul týraly ZTB.KZ portaly jarıalaǵan, dep habarlaıdy Almaty-akshamy.kz.
Biraq bul jerde áńgime Qazaqstannyń burynǵy Prezıdenti týraly emes, onyń 23 jastaǵy attasy týraly bolyp otyr.
Portaldyń habarlaýynsha, 2024 jyldyń 4 aqpanynda bılik ókilderi Toyota Camry kóligin toqtatty. Nursultan Nazarbaev esimdi júrgizýshiden mas bolý dárejesin anyqtaý úshin tútikke dem alýdy surady. Jigit tekserýden óte almady, nátıjesinde ol 15 kúnge qamaýǵa alyndy.
Sondaı-aq, Nazarbaev kólik quralyn jeti jyl merzimge basqarý quqyǵynan aıyryldy. Onyń kóligin polısıa qyzmetkerleri avtoturaqqa jetkizdi.
Nazarbaev sot sheshimimen kelispedi. Ol úkimge shaǵymdanatynyn aıtqan.