Almaty metrosynda prank jasaǵan úsh jigit jaýapqa tartyldy
Almaty metrosynyń jolaýshylaryna prank jasaǵan úsh jigit jaýapqa tartyldy, – dep habarlaıdy Polisia.kz.
Metropolıtendegi Polısıa basqarmasynyń málimetinshe, úsh jas jigit Almaty metrosynyń jolaýshylaryna prank jasaǵan. Olar mýzykalyq kolonkanyń kómegimen áýendi qatty daýysqa qoıyp, azamattardyń narazylyǵyna nazar aýdarmaǵan.
– Keıbir jolaýshylar áýenniń kenetten oınaǵanyn kútpegendikten, qoryqqan. Olardyń biri “Jibek joly” beketinde qyzmet etetin polısıa qyzmetkerlerinen kómek surady. Qoǵamdyq tártipti buzǵandar ınspektordyń zańdy talaptaryna qarsylyq tanytty. 19 jáne 22 jastaǵy A., K. jáne A.esimdi azamattardyń áreketteri QR ÁQbK-niń 434-baby (Usaq buzaqylyq) boıynsha kvalıfıkasıalanǵan. Ákimshilik istiń materıaldary jınaqtalyp, sheshim qabyldaý úshin sotqa jiberildi, – dedi Metropolıtendegi PB bastyǵynyń orynbasary Qaırat Jurunov.