27-28 qarashada Astanada ótetin Ujymdyq qaýipsizdik týraly shart uıymy (ODKB) otyrysynda mańyzdy qujat qabyldanady. Bul týraly ODKB Bas hatshysy Imanǵalı Tasmaǵambetov Belarýstiń STV telearnasyna bergen suhbatynda málimdedi.
Tasmaǵambetovtiń aıtýynsha, Ujymdyq qaýipsizdik keńesi Tájikstan men Aýǵanstan shekarasyndaǵy qaýipsizdikti qamtamasyz etýge baǵyttalǵan arnaıy memleketaralyq baǵdarlamany bekitýdi josparlap otyr.
«Aýǵan máselesi – ODKB-nyń mańyzdy baǵyttarynyń biri. Sizder bul jaǵdaıdyń mańyzdylyǵyn jaqsy túsinesizder. Ortalyq Azıa úshin Aýǵanstan turaqtanyp, beıbit baǵytqa bet burǵanymen, bul elde áli de kóptegen terorıstik uıymdar bar. Bul, sózsiz, óte kúrdeli másele», – dep atap ótti Imanǵalı Tasmaǵambetov.
Bas hatshynyń aıtýynsha, jańa baǵdarlama uıymǵa múshe elderdiń shekaradaǵy jaǵdaıdy birlesip retteýine jáne aımaqtyń qaýipsizdigin nyǵaıtýǵa múmkindik beredi.
Atalǵan qujat ODKB elderiniń Aýǵanstan aýmaǵynan keletin qaýip-qaterlerdi aldyn alý jáne Ortalyq Azıada turaqtylyqty qamtamasyz etý baǵytyndaǵy yntymaqtastyǵynyń mańyzdy qadamy bolmaq.