Qazaqstannyń syrtqy saýda aınalymy 2024 jyly alǵash ret tabysty boldy. Ótken jyldyń osy kezeńimen salystyrǵanda joǵary kórsetkishke jetti. Sarapshylardyń paıymdaýynsha, mundaı ósýge eldiń alys shet eldermen saýda jasaýy sebep bolǵan, dep habarlaıdy aqshamnews.kz.
Qazaqstan Respýblıkasynyń Ulttyq statısıka búrosynyń málimetteri boıynsha, 2024 jyldyń qańtar aıynan qyrkúıek aıyna deıin Qazaqstannyń syrtqy saýda aınalymy 104,34 mıllıard AQSH dollaryn qurady. Sonymen birge, alys shet eldermen saýda aınalymy 2,6%-ǵa (78,1 mıllıard dollarǵa deıin) artqan. Al TMD elderimen saýda kólemi 3,2%-ǵa tómendep, 26,24 mıllıard dollardy qurady. EAEO elderimen saýda aınalymy da 1,9%-ǵa tómendep, 21,4 mıllıard dollardy qurady.
«2024 jyldyń qańtar-qyrkúıek aılarynda Qazaqstannyń EAEO elderimen saýda aınalymy 21,4 mıllıard dollardy qurady, bul ótken jyldyń osy kezeńimen salystyrǵanda nomınaldy túrde 1,9%-ǵa az», — dep habarlaıdy statısıkalyq portal.